類別歸檔: 6、自編本土語言教材、媒體
十一月 10
102.12.9有食有行氣有拜有保庇(文章.套印)
十一月 01
閩南文化週俗語答喙鼓:暗頓留一口食到九十九
閩南文化週俗語答喙鼓:暗頓留一口食到九十九
我是若綸..我是佳玲〈兩人同齊講〉..上台一鞠躬
玲.今那日要講什麼?
綸.你赫少年記持赫爾bai2,今那日要講的台灣俗語..暗頓留一口食到九十九。
玲.暗頓留一口食到九十九是啥物意思?
綸.就是教我們暗頓毋通食傷飽..身體才會健康才會活較久啦!
玲.為什麼咧.?.我阿兄都食足飽呢..安爾較有營養呀!
綸.暗時嘛愛予腹肚腸子歇睏一下,食食規肚不會消化就會留佇腹肚裡臭酸抑是大箍起來。
玲..我攏食有飽就好。
綸.我嘛是.所以咱的身材攏足讚耶
玲.對啦.那你按呢講是足有道理耶
〈兩人同時講〉..各位囝在兄囝仔姐..暗頓留一口,食到九十九。我是若綸、我是佳玲
下台一鞠躬多謝..勞力
大社國小母語老師廖青想擬稿2013/09/2
十一月 01
102年度微電影劇本:大社國小的樹仔
102年度微電影:大社國小的樹仔
全體小天使:健康!感恩!合作!超越..阮是陽光小天使!
感恩:今那日咱的任務是啥物?
健康:因為教育局有通知,要拍一齣微電影,咱就是要來做一下主角!
合作:拍電影喔~啊!安爾我要變做蔡依林啊!
超越:睏罔睏莫暝夢!今那日,咱要來紹介咱大社國小的特色。
合作:什麼特色?
健康:大社國小的樹仔.〈全部:行!來去!〉
超越:頭起先就是咱的鎮校之寶:桃花心木。這是對美國來的喔!古早古早美國人佇囝仔出世了後,就會佇門埕種幾欉仔桃花心木。等待囝仔長大成人要嫁娶的時,樹仔嘛已經大欉,才剉落下做衫仔櫥啦!桌仔、椅仔。送予囝仔成做結婚禮物。
合作:足感心
健康:印度櫻花!華語叫做紫荊花。
合作:這味我上愛!花若謝就落土,啊~落甲歸土腳的浪漫!
健康:有夠瓊瑤。
超越:這叫作榕仔。若要剉就要看日。
合作:安怎講
超越:阮阿嬤講榕仔有神。
健康:台灣人連石頭嘛講赫有神,其實是希望大家要尊重愛惜大自然。
合作:若你安爾講是有理!
超越:椰子樹是古早對南美洲的海地來的,毋通踦傷近,椰子葉若落落來,你的頭殼就中獎!
感恩:鳳凰木百外年前對馬達加斯加引入來日本,日本人才擱引來台灣。台南市的文學館頭前彼欉,就是台灣上老的鳳凰樹。
健康:喔~伊是咱學校鳳凰樹的阿母。
感恩:不止喔!我看是祖嬤卡有影!擱來這種樹仔佮佛祖有關係。
合作:有影無影?啥麼樹?
感恩:菩提樹!聽講釋迦佛就是佇菩提樹腳得道昇天。
合作:誰看到的?
感恩:不知!我干旦知影伊的種籽會當做手鍊仔。
健康:我有聽老師講過,台灣上老的菩提樹種佇台南公園,已經一百零十歲,有閒就要去甲看一下!
感恩:猶擱是一欉祖嬤級的樹仔,真無簡單!只要咱共伊愛惜,伊就會陪伴咱久久長長!
合作:是啊!足感心!
超越:最後好酒沉甕底!這欉正港的台灣本土的樹仔。把薑切做四片,薑薑薑薑!欖仁仔樹!華語叫做大葉欖仁。
健康:對啦!我聽阿嬤在講,欖仁仔的葉子曝予焦了後,會當燒〈hian5〉茶,燒燒阿lim;聽講會當顧肝。
合作:莫黑白食啦!食食咧萬一腰子若中毒就害囉!咱台南人洗腰子的名聲佇世界是排頭名呢!
超越:按娘偎!驚死人!
合作:講到恁識,恁的目眉就打結!
健康:這猶擱有開黃花的黃槐、古早七仙女和董永就是佇黃槐樹腳在約會,阿勃勒是印度來的。開粉紅花的美人樹,阿擱…
超越:歹勢!時間就愛予椿,傷厚話會夆扣分!
健康:無毋對!最後咱來呵咾咱學校的樹仔做一下結束。
健康:大社的樹仔青啷啷
感恩:看到心情就輕鬆。
合作:五花十色芳芳芳
超越:大社的風景媠噹噹。
全體小天使:陽光小天使任務完成!
有閒擱來坐、正來尞、再見、tam/tip/〈越語〉!多謝勞力!感恩!
台南市大社國小母語老師廖青香擬稿2013/10/22
十一月 01
閩南文化週俗語答嘴鼓 : 一頓久久,兩頓相拄
閩南語文化週答嘴鼓 : 一頓久久,兩頓相拄
我是安妮…我是維昕〈兩人同齊講〉..上台一鞠躬
維昕:今那日換咱來這講俗語予大家鼻香一下。
安妮:喔~是欲講佗一句?
維昕:一頓久久,兩頓相拄
安妮:這句俗語的意思是講:有的人食飯無定時,有當時食一頓飯lang3足久,有時仔兩頓煞綴作伙。
維昕:對啊!像講睏到十點以後才食早頓,到十二點的時陣又擱欲食中晝頓。
安妮:有當時啊,是無閒甲無法度照時間來食飯。
維昕:像安爾身體是會打壞喔!你的胃腸會擋袂牢到落尾有可能會破病。
安妮:若無健康的胃腸,就袂當像咱安爾可愛又古錐!
維昕:對啦~身體顧予好,永遠無煩惱!
〈兩人同齊講〉.各位囝在兄囝仔姐.. 一頓久久,兩頓相拄
我是安妮.我是維昕〈兩人同齊講〉下台一鞠躬 多謝..勞力 大社國小母語老師廖青想擬稿2013/10/25
十一月 01
閩南文化週俗語答喙鼓 : 食魚食肉也得菜佮
閩南文化週俗語答喙鼓 : 食魚食肉也得菜佮
我是若綸
我是佳玲〈兩人同齊講〉..上台一鞠躬
玲..今那日要講什麼
綸..今那日要講的是食魚食肉也得菜佮
玲. 食魚食肉也得菜佮是什麼意思
綸.意思就是說食飯的時陣.魚啦肉啦菜啦逐樣攏要食寡
玲..有道理喔!毋通撿食!毋通愛吃的吃吃規大堆;無愛吃的就毋吃!
綸.是啊!安爾是會營養不良喔.. 毋是會變甲足大摳就是會變甲瘦鄙巴
玲..驚死人喔!這就是營養不均衡!
綸. 是呀!食魚食肉也得菜佮..就會營養均衡..身體才會健康擱敖大漢!嘛才會當像咱安爾愈來愈美!
玲..那你按呢講是足有道理耶!
〈兩人同時講〉..各位囝仔兄囝仔姐.. 食魚食肉也得菜佮
我是若綸
我是佳玲..下台一鞠躬 多謝..勞力
大社國小母語老師廖青想擬稿2013/10/02
十一月 01
101年度微電影劇本:新市的 毛豆
大社國小微電影劇本
演員四人
場景..甲乙丙三位同學在街上邊走邊看..忽然從背後有人叫.
丁:喂喂~喂~春紅啊!〈三人回頭.甲說.啥?〉恁佇這做啥?
乙:老師叫阮拍微電影呢!阮要去菜市仔揣資料。
丁:菜市仔揣資料?..是要揣啥?
甲:阮這的美食特色..菜市仔一定有..嘿嘿..
丁:喔..無采你是在地人..這種美食這碼還沒生出來啦!..
丙:你擱知啊〈不以為然的表情〉
丁:看赫!〈丁指著某個方向〉有看到無.?.彼就是咱的美食特色。
甲乙丙三位順著丁的手勢同時看上去同時叫出..白蓮霧!
丁:歸欉好好無錯!
甲:透早天罩霧,黑鶖騎水牛,順序提茄薯,後宅撿蓮霧。..嘿~這篇唸謠有意思喔!
丁:這是咱的區長寫的。..
丙:咱區長實在有夠足敖!逐項會!
丁:伊是國寶呢!你毋知喔?
乙:啊~按爾區長嘛會當算是咱在地的特色..國寶呢!.按爾順绁共拍入去微電影內底。
丙:你不是講要拍美食..區長敢會當算作美食?
乙:哎喲!頭殼控古力..算是特色啦.講到你捌,你目眉就打結!
甲:喔~白蓮霧這碼已經足稀奇啊!阮媽媽有買過,我有食過,酸微啊酸微!像戀愛的滋味!〈陶醉樣〉
丁:醒來!醒來!〈用手指發出聲音〉阮阿嬤講佇古早時代逐間厝的後壁攏嘛有種白蓮霧。目睭看土腳一下!
丙:哇!平常時啊攏無咧注意..歸土腳的白蓮霧!
丁:無你叫是(以為)區公所凊采貼媠的喔?
丙:喔!足藝術!
丁:這嘛是咱區長激頭腦做出來的!
甲:嘿!咱一定要徦記錄起來,咱在地的特色就是有一個國寶〈低頭做筆記〉。
丁:我聽老師講這碼擱有一項足出名的。
其他三人:有影喔!佇佗位?
丁:行行行!無行袂出名。隨我來!
丙:要去佗位?要行若久?
丁:囝仔人要較有耐心咧!
四個人走到超市門口
丁:目睭照過來!照過來!
乙:美食..喔!得獎!..有影有夠讚!
丙:咱兜有種.原來毛豆嘛是咱的美食特色!
丁:真正是庄腳俗,毋知毛豆是世界有名的伴手禮!
甲:我知~高尚的等路!
丁:哈哈!算你巧啦!
丙:喔!厲害喔!得獎呢!
喔!足厲害〈四個人一直看一起說〉
甲:緊共咧記起來..
甲:行!擱來去揣〈四個人重新出發..落幕.. 〉
臺南市大社國小母語老師廖青香擬稿 2012/11/30